The Deli at Mansion in Pennsilvanië, VSA se slim kinderspyskaart
Ouers weet presies hoe groot frustrasie dit kan wees wanneer kinders nie wil eet nie. Een restaurant het met ʼn slim idee vorendag gekom.
Die Reddit-gebruiker nabced het onlangs ʼn foto van The Deli at Mansion se kinderspyskaart op dié sosialemedianetwerk gedeel. Dié deli in Altoona, Pennsilvanië in die VSA, het hul geregte vernoem na kinders se gewilde sêgoed.
Die spyskaart sluit die volgende opsies in:
“Ek weet nie”: Warmbrak met skyfies
“Ek gee nie om nie”: Hoenderstukkies met skyfies
“Ek’s nie honger nie”: Kaasbroodjie met skyfies
“Ek wil nie dit hê nie”: Visvingers met skyfies
Wat sou jou kind se gunstelinggereg wees?
