[Resep] Peperment-droomskommel

Peperment-droomskommel. Foto: Pixabay.com

Pretville se Diner is bekend vir sy ongelooflike lekker melkskommels.

Lewer 1 glas

Bestanddele:

• 2 e klaarbereide sjokoladesous
• ½ klein Peppermint Crisp-sjokolade, grof gekap
• 1 k melk
• 1 groot skep vanielje- of sjokoladeroomys

Metode:

1. Drup die sjokoladesous aan die binnekant van die glas om self af te loop.
2. Breek die Peppermint Crisp in fyn stukkies en meng met die melk en ʼn groot skep roomys.
3. Klits tot goed gemeng.
4. Vul die voorbereide glas met die melkmengsel.
5. Versier met ʼn knippie of twee gebreekte Peppermint Crisp.

Bron: Proe Pretville
Uitgewer: Lapa