[Resep] Ontbyt-wraps met spinasie en feta

Ontbyt-wraps met spinasie en feta (Foto: Lekker wraps, Lapa-uitgewers)

Hierdie wraps is maklik om voor te berei en is ideaal vir ontbyt.

Lewer 8 porsies

Bestanddele:

• 250 g jong spinasieblare
• 4 knoffelhuisies, fyngekap
• 15 ml olyfolie
• 1 x 410 g-blik gekapte tamaties, gedreineer
• 10 eierwitte
• 170 g fetakaas, gekrummel
• sout en varsgemaalde swartpeper na smaak
• 8 wraps

Metode:

1. Soteer die spinasie en knoffel vir 5 minute in die olyfolie of tot die spinasie verwelk.
2. Roer die tamaties by en kook vir nog 2 minute. Skep die spinasiemengsel in ʼn groot bord wat gevoer is met handdoekpapier. Hou eenkant.
3. Giet die eierwit in die pan en roer tot gaar.
4. Skep die roereier, spinasiemengsel en gekrummelde feta op elke wrap. Geur met sout en peper en draai dit toe.

• Bron: Lekker wraps
• Uitgewer: Lapa