[Resep] ‘Bullet Proof’-koffie

‘Bullet Proof’-koffie (Foto: Cafe 2 go)

Wanneer jy jou “Bullet Proof”- koffie ten minste 30 minute of selfs ’n uur voor ontbyt drink, bied dit jou liggaam gesonde vette wat glo jou verstandelike funksie verbeter. Dit vertraag die spoed waarmee die kafeïen in jou bloedstroom ingaan (verbeter dus jou bloedsuikervlak), en gee jou spysverteringstelsel ʼn hupstoot voor enige kos ingeneem word.

Indien dié koffie saam met kos gedrink word, sal die vette waarskynlik jou maag omkrap en jy sal nie dieselfde breinbevorderingsvoordele kry nie.

Bestanddele:

• 2 skeppies organiese koffie
• 1 teelepel organiese (rou) botter of organiese klapperolie. (Begin met minder hoeveelhede as jy nuut is met die gebruik van dié tipe olies, aangesien dit ’n kragtige uitwerking het “om dinge te laat gebeur” vir vertering.)
• 2 teelepels suiwelvrye melk – gebruik amandelmelk

Aanwysings:

1. Maak eers jou koffie.
2. Voeg die warm koffie en die ander bestanddele in ’n vermenger.
3. Meng vir 30 sekondes. Hierdie proses sal skuim maak en die bestanddele saam meng tot perfeksie. Moenie alles net in ʼn koppie roer nie – dit sal nie werk nie.
4. Gooi in ’n 250 ml-koppie en geniet voor ontbyt.