Sjokolade en grondboontjieklontjies (Foto: verskaf)
As julle hierdie skoolvakansie met Jan Tuisbly se karretjie ry, is dié sjokolade-en-grondboontjieklontjies ʼn lekker resep waarmee die kleinspan kan bak en brou.
Bestanddele:
- 600 g melksjokolade
- 500 g grondboontjies en rosyntjies
- 100 g pekanneute, grofgekap
- 250 ml klapper
Metode:
- Smelt sjokolade in mikrogolfoond teen 70% krag of in dubbelkoker. Roer tot glad.
- Roer ander bestanddele by.
- Skep teelepelsvol sjokolademengsel op bakplate wat met waspapier uitgevoer is.
- Laat eenkant om te stol. Verwyder van waspapier en bêre in lugdigte houer.
Bron: Vinnig & maklik: Resepte uit Vrouekeur 3
Uitgewer: Lapa